काठमाडौँ : संघीय संसद्को सार्वजनिक लेखा समितिले वाइडबडी खरिदमा भएकाे अनियमितता प्रकरणमा पर्यटन सचिव कृष्ण देवकोटा र नेपाल वायुसेवा निगमका महाप्रबन्धक सुगतरन्त कंसाकारलाई निलम्बन गरी तत्काल भ्रष्टाचार अभियोगमा छानबिन थाल्न सरकार र अख्तियार दुरुपयोग अनुसन्धान आयोगलाई निर्देशन दिएको छ ।
समितिले संस्कृति, पर्यटन तथा नागरिक उड्यन मन्त्री रवीन्द्र अधिकारी र पूर्वमन्त्रीहरु जीवनबहादुर शाही एवं जितेन्द्रनारायण देवलाई ‘नैतिक जिम्मेवारी’ लिन निर्देशन दिदैँ कानुनसम्मत कारबाही गर्न सरकारलाई निर्देशन दिने निर्णय गरेको छ । मन्त्रीहरुलाइ जाेगाएर कर्मचारीहरुलाइ मात्र कारबाहीकाे भागीदार बनाउन प्रतिवेदनमा केही संशाेधन गरी भाषा मिलाइएकाे थियाे ।,कान्तिपुर दैनिकमा समाचार छ ।
