विराटनगर, पुस २४
जिल्ला प्रहरी कार्यालय मोरङ र ईलाका प्रहरी कार्यालय रंगेलीको संयुक्त आयोजनामा धनपालथान गाउपालिका–७ मुसहर बस्तीका गरिव तथा विपन्न वर्गका ८८ घर धुरीलाई सिरक वितरण गरिएको छ ।
समुदाय–प्रहरी साझेदारी कार्यक्रम र समुदाय सँग चिया कार्यक्रम अन्तर्गत मंगलबार सिरक वितरण गरिएको हो ।उक्त सिरक गोरधनदास कमलावती परोपकारी प्रतिष्ठान (बिशाल ग्रुप)ले उपलब्ध गराएको थियो ।
जिल्ला प्रहरी कार्यालय मोरङका प्रमुख प्रहरी उपरीक्षक मनोज कुमार के.सी.को प्रमुख आतिथ्यतामा सम्पन्न कार्यक्रममा धनपालथान गाउपालिकाका अध्यक्ष हरिलाल सिंह, धनपालथान गाउपालिका वडा नं. ७ का वडा अध्यक्ष हरि प्रसाद यादव, स्थानिय भद्र भलादमी र पत्रकार समेत गरी अन्दाजी ३१० जनाको उपस्थिति रहेको थियो ।
