एजेन्सी, फागुन १३
बंगलादेशको एक विमान अपहरणको प्रयास असफल भएको छ । दुबईका लागि उडेको बिजी १४७ नम्बरको दुबईका लागि भएको बोइङ ७३७ विमानलाई अपहरणकारीले अपहरणको प्रयास गरेका थिए ।
आइतबार एक जना सन्दिग्ध व्यक्तिले विमानको ककपिटमा जबरजस्ती छिर्न खोजेको तर चालक दलका सदस्यले उक्त प्रयासलाई विफल पारेको बीबीसीले जनाएको छ ।
ढाकाबाट दुबईका लागि उडेको विमान करिब दुईघण्टापछि राजधानीबाट करिब २४२ किलोमिटर दक्षिणपूर्वमा रहेको उक्त शाह अमानत अन्तर्रा्ष्ट्रिय विमानस्थलमा अवतरण गराइएको हो । विमानमा १ सय ४२ जना यात्रु सवार थिए ।
विमान अपहरणको प्रयास गर्ने व्यक्ति मारिएका छन् । सन्दिग्धलाई आत्मसमर्पण गर्न भनिएको तर नमानेपछि गोली हानिएको बताइएको छ । अपहरणकारीको नाम भने खुलेको छैन। अपहरणकारीले विमानचालकलाई आफ्नो कुरा प्रधानमन्त्री शेख हसिनासँग गराउन भनेका थिए ।
