विराटनगर, चैत २२
नयाँ वर्ष २०७६ सालकोे अवसर पारेर विराटनगरमा ‘फेस्टा न्यू इयर्स इभ २०७६’ हुने भएको छ । विराटनगर स्थित सेन्ट्रल मल र स्पाइस लन्जको आयोजनामा आगामी चैत ३० गते सेन्ट्रल मलमा सो कार्यक्रम आयोजना हुने भएको हो ।
नेपाली चलचित्रकी चर्चित नायिका प्रियंका कार्की, डिजे सुर र प्रख्यात भारतीय डिजे जज्लीनको प्रस्तुती रहने फेस्टाको टिकट दर १ हजार रुपैयाँ तोकिएको कार्यक्रम व्यवस्थापक ओम घिमिरेले जानकारी दिए । पछिल्लो समय विभिन्न अवसर पारेर विराटनगरमा मनोरञ्जनात्मक कार्यक्रमहरु आयोजना गर्ने क्रम बढ्दै गएको छ ।
