ताप्लेजुङ, चैत २५
ताप्लेजुङको श्रीजंगा गाउँपालिका–५ पेदाङमा आइतवार बाटो खन्ने क्रममा बाटो माथिबाट झरेको ढुंगा र माटोले पुरिएर स्काभेटर चालकको मृत्यु भएको छ ।
बिहान ११ बजे खैरबारीबाट राष्ट्रिय माध्यामिक विद्यालय पेदाङ जोड्ने बाटो खन्दै गरेको स्काभेटरलाई बाटोमाथिबाट झरेको ढुंगा र माटोले किच्दा चालक सिन्धुलीको कमलामाई नगरपालिका–१बेल्टार बस्ने २१ वर्षीय बीरबहादुर तामाङको घटनास्थलमा नै मृत्यु भएको हो ।
मृतकको शव उद्धार पश्चात कानूनी प्रकृया पूरा गरी पोष्टमार्टमको लागि तेल्लोक स्थित प्राथमिक स्वास्थ्य केन्द्र पठाईएको छ भने पुरिएको स्काभेटर निकाल्ने कार्य भईरहेको इलाका प्रहरी कार्यालय तेल्लोकले जनाएको छ ।
