ब्रेक्जिटसम्बन्धी प्रस्ताव फेरि अस्वीकृत भए बेलायती प्रधानमन्त्रीले राजीनामा दिने

बेलायती प्रधानमन्त्री थेरेसा मेले युरोपेली संघबाट बेलायत बाहिरिने प्रस्ताव अर्थात ब्रेक्जिटलाई संसद्ले फेरि अस्वीकृत गरे राजीनामा दिने भएकी छन् । यसअघि तीन पटक ब्रेक्जिटसम्बन्धी प्रस्ताव अस्वीकृत भइसकेको छ । सो प्रस्तावमा आउँदो जुन महिनाको पहिलो हप्तामा मतदान हुदैछ । फेरी हुन लागेको मतदानमा पनि अस्वीकृत भए प्रधानमन्त्री मे ले राजिनामा दिने अन्तराष्ट्रिय सञ्चारमाध्यमहरुले जनाएका छन् । कन्जर्भेटिभ दलका वरिष्ठ नेताबीच भएको बैठकमा ब्रेक्जिट सम्बन्धी अर्को संसदीय मतदान लगत्तै मे को बहिर्गमनको तालिकामा छलफल गरिने भएको उल्लेख गरिएको थियो । उता मे ले प्रधानमन्त्री पद त्यागे, नयाँ प्रधानमन्त्री बन्न कन्जर्भेटिभ दलमा थुप्रै आकाक्षी देखिएका छन् ।