२३ असार, काठमाडौं ।
देशभर मनसुन सक्रिय भएको छ । मनसुन सक्रिय भएका कारण अब लगातार केही दिनसम्म वर्षाको सम्भावना रहेको मौसम पूर्वानुमान महाशाखाले जनाएको छ ।
विगतभन्दा केही ढिला भित्रिएका यो वर्षको मनसुन सक्रिय पनि अलि ढिला भएको हो ।
मौसम पूर्वानुमान महाशाखाका अनुसार आगामी तीन दिन देशका अधिकांस ठाँउमा भारी एवं मध्य किसिमको वर्षा हुने सम्भावना रहेको छ । त्यस्तै अगामी ३ दिन देशका पानी नपरेको ठाँउको मौसम बदली रहने छ । भारतमा रहेको न्यून चापीय रेखा नेपाल तर्फ आउँदै गरेका कारण पनि वर्षाको सम्भावना रहेको महाशाखाले जनाएको छ ।
लगातार दिनभर पानी नपरे पनि मोसममा गडबडि रहने छ भने २–३ घण्टा पानी पर्ने, बदली हुने किसिमको मौसम रहने मौसम पूर्वानुमान महाशाखाले जनाएको छ । वर्षाका कारण यो समयमा बाढी–पहिरो,चट्याङ जस्ता प्राकृतिक प्रकोपको सम्भावना हुने भएकोल सचेत भएर रहन मौसमविद्ले आग्रह गरेका छन् ।
महाशाखाका अनुसार आज दिउँसो देशका अधिकांश भू–भागमा सामान्य देखि पूर्ण बदली रहनेछ। देशका धेरै भू–भागहरुमा वर्षाको सम्भावना छ। देशको एक दुई स्थानहरुमा भारि वर्षाको संभावना रहेको छ । त्यस्तै आज राती देशका अधिकांश भू–भागमा सामान्य देखि पूर्ण बदली रहनेछ। देशका धेरै भू–भागहरुमा वर्षाको सम्भावना छ। देशको थोरै स्थानहरुमा भारि वर्षाको संभावना रहेको महाशाखाले जनाएको छ ।
