१ साउन, विराटनगर ।
मोरङको बिराटनगर महानगरपालिका–१५ बाट लागुऔषध सहित १ जना पक्राउ परेका छन् । लागुऔषध नियन्त्रण ब्युरो बिराटनगरबाट खटिएको प्रहरी टोलीले धरान–६ का ३१ बर्षीय पुर्ण थापा मगरलाई लागुऔषधसहित पक्राउ गरेको हो ।
मगरले चिनी र चना भित्र लुकाई छिपाई ल्याउँदै गरेको १०० ऐम्पुल डाईजोल्याब, ९९ एम्पुल लुपिजेसिक, ८६ एम्पुल एभिल र २४ एम्पुल फेनारगन सहित उनलाई पक्राउ गरिएको हो । उनको साथबाट सशस्त्र प्रहरीमा कार्यरत परिचय पत्र र नेपाली नागरिकताको प्रमाण पत्र फेला परेको छ ।
पक्राउ परेका मगरलाई ईलाका प्रहरी कार्यालय रानीमा राखि थप अनुसन्धान भईरहेको उक्त कार्यालयले जनाएको छ ।
