१० साउन, सुनसरी ।
सुनसरीको हरिनगरा गाउँपालिका–५ स्थितमा भोक्राहा नरसिंह गाउँपालिका– ८ बस्ने वर्ष २५ का राजकुमार मेहताको बाढीले बगाएर मृत्यु भएको छ । शुक्रबार दिउँसो खेतबाट ओभरफ्लो भई आएको पानीमा पौडी खेल्ने क्रममा बाढीले बगाएर मेहता बेपत्ता भएका थिए ।
बेपत्ता भएका मेहतालाई स्थानिय र प्रहरी चौकी सिसुवा धरमपुरबाट खटिएको प्रहरी टोलीले खोजतलाश गर्ने क्रममा दिउँसो सोही स्थान देखी केही पर मृत अवस्थामा फेला पारेको जिल्ला प्रहरी कार्यालय सुनसरीले जनाएको छ ।
