भदौ १९, झापा । झापाको शिवसताक्षी नगरपालिका ८ स्थित वडा कार्यालयमा बस्ने वर्ष २३ का सरगम भन्ने सागर तिमिल्सिनाले छुरा प्रहार गरी १ जनालाई घाईते बनाएका छन् ।
बुधबार दिउँसो पूर्व रिसिबीका कारण उनले सोही नगरपालिका ११ बस्ने वर्ष३३का सुरज रिङ्गालुङ राईलाई छातीको बाँया तर्फ छुराप्रहार गरि घाइते बनाएका हुन् ।
घटनाबारे जानकारी पाउनासाथ तत्काल ईलाका प्रहरी कार्यालय झिलझिलेबाट गएको प्रहरीको टोलीले घाईतेलाई उपचारका लागि बि एण्ड सि अस्पताल विर्तामोड पठाएको थियो ।
छुरा प्रहार गर्ने सागरलाई भने नियन्त्रणमा लिएर थप अनुशनधान अघि बढाएको प्रहरीले जनाएको छ ।
