२३ भदौ, दैलेख ।
हुम्लाबाट सुर्खेतको लागि उडेको माउन्टेन एयरको ’नाइनएन–एएलडी’ हेलिकप्टर दैलेखमा आकस्मिक अवतरण गरिएको छ ।
हेलिकप्टर सोमबार बिहान हुम्लाबाट सुर्खेतका लागि उडेको प्रहरीले जनाएको छ । मौसम खराब भएका कारण दैलेखमा आकस्मिक अवतरण गरिएको हो । करिब बिहान ८ बजे दैलेख बारुदथानको खुल्ला चौरमा हेलिकप्टर अवतरण गरिएको हो ।
दैलेखका प्रहरी नायब उपरिक्षक हरिबहादुर ओलीले हेलिकप्टरमा चालक दलका तीन जना रहेको जानकारी दिए । मौसम सुधार हुने बित्तिकै हेलिकप्टर उड्ने प्रहरीको नायब उपरीक्षक ओलीले बताए ।
