४ असोज, विराटनगर ।
बिगत २ वर्ष देखि बिराटनगरलाई मुख्य केन्द्र बनाएर सामाजिक काम गर्दै आईरहेको सामाजिक संस्था परिवर्तनका लागि हातेमालोले मोरङको कटहरी गाँउपालिकामा पनि शाखा विस्तार गरेको छ ।
प्रदेश १ का सांसद बिजयकुमार बिश्वासले शाखाको उद्घाटन गरेका छन् । कार्यक्रममा कटहरी गाँउपालिकाका अध्यक्ष रामकुमार कामत, स्थानीय समाजसेवी मृत्युन्जय झा, सस्थाका केन्द्रीय अध्यक्ष विनोद परियार लगायतको उपस्थिति रहेको थियो ।
कार्यक्रममा सांसद बिश्वासले समाज परिवर्तनमा हातेमालोले खेलेको भूमिका अत्यन्तै उदाहरणीय रहेको बताए । उनले समाजसेवाको अभियानले गाँउका युवाहरुलाई विभिन्न विकृति बिसंगतिबाट जोगाउने बताए । अहिलेका युवाहरु प्राय लागुऔषध दुव्र्यवसनीमा लागेको र यस्ता संस्थाले ती युवाहरुलाई पनि जोगाएको उनले बताए ।
संस्थाका अध्यक्ष परियारले परिवर्तनका लागि हातेमालो कुनै दल, धर्म, रंग विशेष नरहेको भन्दै संस्थामा सम्पूर्ण समाजप्रेमी जनसमुदायको सहभागिता रहेका ेउल्लेख गरे । आगामी दिनमा १ नं प्रदेश भरिनै शाखा खोलिने र सवैतिरवाट समाज परिवर्तनमा क्रान्ति ल्याउने उनले योजना समेत सुनाए ।
शाखा कार्यालय कटहरीले बिगत ३९ औ हप्ता देखिनै सरसफाई लगायतका जनचेतनाका निम्ति सांकेतिक भित्ते चित्रहरु बनाउदै आएको छ । कटहरी शाखाले त्यस क्षेत्रका सडकमा रहेका खाल्डाखुल्डी समेत आफनै सक्रियतामा पुरेको थियो ।
आउदा दिनमा पनि समाज र सामाजिक क्षेत्रमा यसरी नै युवाहरुलाई प्रेरित गर्ने कटहरी शाखा अध्यक्ष संजित साहले बताए ।
