१८ असोज, काठमाडौं ।
अन्तत जबरजस्ती करणीको प्रयास गरेको अभियोगमा पीडित महिला रोशनी साहीले महानगरीय प्रहरी वृत्त, नयाँ बानेश्वरमा पदबाट राजीनामा दिएका सभामुख कृष्णबहादुर महरा बिरुद्ध जाहेरी दिएकी छन ।
जाहेरी दिए संगै महरालाई प्रहरीले पक्राउ गर्ने प्रवल सम्भावना रहेको छ । काठमाडौं प्रहरी प्रमुख एसएसपी उत्तमराज सुवेदीले जाहेरी परेसँगै प्रहरीले तादरुकता साथ थप अनुसन्धान अगाडि बढाएको छ ।
यसअघि १३ असोजमा ती महिलाले आफूमाथि हिंसा भएको दाबी गर्दै विभिन्न सञ्चारमाध्यममा बयान दिएकी थिइन् । आइतबार राति पानै ९ बजे सुविधानगरमा भएको भनिएको घटनापछि प्रहरी समेत उनको घरमा पुगेको थियो ।
पछि फेरि आफू डिप्रेशनमा रहेको भन्दै उनले महराबाट दुब्र्यवहार नभएको भन्दै दिएको अन्तरर्वाता सार्वजनिक भएको थियो ।
