१९ असोज, काठमाण्डौ ।
चिनियाँ राष्ट्रपति सी जिनपिङको एकदिने नेपाल भ्रमणको एक साता मात्र बाँकी हुँदा राजधानी काठमाडौँलाई सुन्दर रुपमा प्रस्तुत गर्न प्रधानमन्त्री केपी ओलीको चासो बढ्को छ ।
त्रिभुवन अन्तर्राष्ट्रिय विमानस्थलबाट सी बस्ने होटलको बाटोमा पर्ने तीनकुनेको खाली जग्गालाई पूर्णरुपमा निर्मित पार्कको रुपमा विकसित गर्न र त्यहाँ फूल र हरिया झाडी बनाउने कार्य प्रधानमन्त्री ओलीको आदेशमा युद्धस्तरमा भैरहेको छ।
१० दिनभित्र ४८ रोपनी क्षेत्रफलमा फैलिएको त्यो चउरलाई सुन्दर पार्कका रुपमा निर्माण र व्यवस्थित गर्ने आदेशका साथ त्यसको संयोजनको जिम्मा काठमाडौँ नगरपालिका कार्यकारी प्रमुख केदार न्यौपानेलाई दिइएको छ ।
