२९ असोज, काठमाडौँ । हामी प्राय एकपटक गल्ती गरेपछि लगत्तै पत्ता लगाउँछौँ र फेरी अर्को गल्ती हुन दिँदैनौँ वा त्यो प्रयास गर्छौ । पछिल्लो पटक संघीय सरकारका उपप्रधान तथा रक्षामन्त्री ईश्वर पोखरेलले थाहा पाएर हो वा नपाएर उनले गम्भीर विषयमा लगातार तीन पटक गल्ती गरेका छन् ।
भर्खरै भएको चिनियाँ राष्ट्रपतिको सी जिनपिङको नेपाल भ्रमणको विषयमा बोलेका उनले चिनियाँ राष्ट्रपति सी जिङपिङलाई राष्ट्रपति भन्नुपर्नेमा लगातार तीनपटक राजदुत भनिरहे । एउटा देशको उपप्रधानमन्त्री जसले ती राष्ट्रपतिलाई विमानस्थलमै पुगेर स्वागत गरे । दुई पटकसम्म द्धीपक्षीय हितका विषयमा नेपाली प्रतिनिधी मण्डलमा सहभागि हुदै सीको टिमसँग बैठकमा सहभागि भए तर पनि विडम्बना उनले पद विर्र्सिदिए ।
मन्त्री पोखरेल सोमबार काठमाडौँमा चाईना– नेपाल सिल्क रोड युथ फोरमले गरेको कार्यक्रममा प्रमुख अतिथी थिए । दोभासेसहितको करिब आधा घण्टा लामो भाषणमा पहिलोपटक उनले राष्ट्रपति सी लाई महामहिम राजदुत भनिदिए ।
झुक्किएर बालेका होलान् र फेरी सच्याउलान् भन्ने मन्च र दर्शकदीर्घामा बसेकाले सोचेका थिए तर, उनले आफुले गरेको पहिलो गल्तीको मेसै पाएनन् क्यार फेरि लगातार त्यही बोली दोहोर्याए । उनले फेरि राष्ट्रपति भन्नुपर्नेमा राजदुत सी जिङपिङ नै भनिदिए ।
दोस्रो गल्तीमा पनि मन्त्री पोखरेलले कुनै ध्यान दिएनन् । मन्च र दर्शकदीर्घामा बसेकाले असहज महसुुस गरिरहेको देखियो तर उनले फरि अर्काे पटक गल्ती दोहोर्याए ।
भाषण सकिएपछि पनि उपप्रधान तथा रक्षा मन्त्री पोखरेलले गल्ती बोलेको पत्ता पाएनन् क्यारे गल्ती बोलेकोमा उनमा कुनै अफशोच वा क्षमायाचना मागेनन् । उनले त राष्ट्रपति भन्नुपर्ने ठाँउमा राजदुत भनिदिए मानौ चिप्लिए (तयगलनभ या कष्उि) भयो । अब जे हुनुथियो भईसक्यो । तर पहिलो पटक गल्ती बोल्दा ड्यासमा आसिनले किन सच्चयाउने चेस्टा गरेनन् । उनलाई कमसेकम त्यो आभास दिलाईदिएको भए त्यो दोस्रो गल्ती रोकिन सक्थ्यो ।
कार्यक्रममा चीनका लागि नेपाली राजदुत लिलामणी पौडेल, नेकपाका नेता सुर्य थापा ड्यासमा आसिन थिए । उनीहरुले त्यो प्रयास किन गरेनन् र देशका उपप्रधानमन्त्रीलाई समाचारको पात्र बनाईदिए । यो उनीहरुले नै मनन् गरुन । आशा गरौ आगामी दिनमा यस्ता घटना नदोहोरिउन ।
