एजेन्सी, फागुन ११
अष्ट्रेलियाको क्रिकेट टोलीका कप्तान स्टिव स्मिथले आफूले विराट कोहलीले जस्तै ब्याटिङ गर्न प्रयास गरेको बताएका छन् । पछिल्लो समय निकै उत्कृष्ट ब्याटिङ गरिरहेका कोहलीलाई कयौ क्रिकेटरले विश्वको सर्वश्रेष्ठ क्रिकेटर मानेका छन् ।
हरेक खेलमा कोहलीको ब्याटिङ विपक्षी टोलीका लागि टाउको दुखाइ भएको छ । पछिल्लो समय क्रिकेटमा भारतका विराट कोहली, अष्ट्रेलियन क्रिकेटर स्टीव स्मिथ र न्युजील्यान्डका केन विलियमसनलाई मुख्य प्रतिस्पर्धीको रुपमा हेरिँदै आइएको छ ।
गएको वर्ष यी तीन जना ब्याट्सम्यानले उत्कृष्ट प्रर्दशन गरेका थिए । तर अष्ट्रेलियन क्रिकेटर स्मिथले आफू कोहलीको खेलबाट प्रभावित भएको र उनको जस्तै खेल्नको लागि प्रयास गरेको बताएका हुन ।
