आजका प्रमुख खबरहरुः
१.(साहको रिहाइको माग)
सांसद् प्रमोदकुमार साहको रिहाइको माग गर्दै टायर बालेर राजपाका नेता कार्यकताहरुद्वारा वीरगन्जमा विरोध प्रदर्शन /चरणबद्ध आन्दोलनमा उत्रेका कार्यकर्ताद्वारा जनकपुरको पूर्व पश्चिम राजमार्गमा चक्काजाम ।
२.(साहलाई चार दिन)
पक्राउ परेका सांसद प्रमोदकुमार साहमाथि अनुसन्धान गर्न अदालतले प्रहरीलाई दियो ४ दिनको म्याद /जनकपुर विमानस्थलस्थित बुद्ध एयरको काउन्टरमा तोडफोड र कर्मचारीमाथि अभद्र व्यवहार गरेको आरोप ।
३.(कुटपिट भएको पुष्टि)
निवर्तमान सभामुख कृष्णबहादुर महराबाट बलात्कार प्रयास भएकी रोशनी शाहीमाथि घाउजाँच प्रतिवेदनका अनुसार कुटपिट भएको पुष्टि /शाहीको कोठामा महराबाहेक अन्य कोही प्रवेश नगरेकाले महराले नै कुटपिट गरेको प्रहरीको भनाई ।
४.(मुस्कानलाई थप हौसला)
एसिड आक्रमणमा परेकी बालिका मुस्कान खातुनलाई भेट्न नेपाली राष्ट्रिय क्रिकेट टोली पुगे अस्पताल /मुस्कानमाथि आक्रमण गर्नेहरुलाई कडा कारबाही गर्न क्रिकेटर पारस खड्काको माग ।
५.(प्रधानमन्त्रीको आग्रह)
मुलुकमा ‘केही पनि भएन’ भन्ने भ्रमबाट मुक्त हुन सबैलाई प्रधानमन्त्री केपी शर्मा ओलीको आग्रह /विकास, निर्माणको कामलाई तीव्रता दिँदै मुलुकलाई भ्रष्टाचारमुक्त, सुशासनयुक्त बनाउन सरकार लागि परेको दावी ।
६.(दाहालका कुरा)
राष्ट्रिय हित र समृद्धिमा सहायक हुने गरी मुलुकको अन्तराष्ट्रिय सम्बन्ध विकसित भएको नेकपाका अध्यक्ष पुष्पकमल दाहालको भनाई /संघीय लोकतान्त्रिक गणतन्त्र स्थापनाका लागि राजनीतिक दलहरुले कीर्तिमान कायम गरेको उल्लेख ।
७.(चुनावी प्रचार)
एनआरएनएको नयाँ नेतृत्व चयनका लागि चुनावी प्रचार अभियान तीव्र /अध्यक्ष पदका प्रत्यासीद्धय कुमार पन्त र कूल आचार्य चुनावी मैदानमा /निर्वाचनमा भाग लिन एनआरएनएका २६ सयभन्दा बढि प्रतिनिधिहरु सहभागी ।
८.(राष्ट्रपतिको राजकीय भ्रमण)
म्यानमारका राष्ट्रपति ऊ विन मिन्टको निमन्त्रणामा चार दिने राजकीय भ्रमणका लागि राष्ट्रपति विद्यादेवी भण्डारी म्यानमार प्रस्थान /राष्ट्रपति भण्डारी कार्तिक ६ गते बुधबार बेलुकी साँढे ८ बजे स्वदेश फर्कने ।
९.(लोकसेवाको विज्ञापन)
लोकसेवा आयोगले सहसचिव र उपसचिव पदमा बुधबार विज्ञापन खुलायो /निजामतीतर्फ १८१ जना सहसचिव र ३९३ जना उपसचिव तथा स्वास्थ्य सेवातर्फ ३५ जना सहसचिव र ७९ जना उपसचिवका लागि दरखास्त ।
१०.(नेकपाको निर्देशन)
उपनिर्वाचनका लागि कात्तिक १० गतेभित्र उम्मेदवारहरुको नाम सिफारिस गरि केन्द्रमा पठाउन प्रदेश कमिटीलाई नेकपाको निर्देशन /वडाको हकमा सम्बन्धित वडा वा गाउ नगरकमिटीको सिफारिसमा जिल्ला कमिटीले उम्मेदवारको चयन गर्न सक्ने ।
११.(उपनिर्वाचनको तयारी)
आगामी मङ्सिर महीनाको १४ गते मोरङ जिल्लामा हुने एक पदको उपनिर्वाचनाका लागि सम्पूर्ण तयारी पूरा /निर्वाचनको विषय लिएर मोरङको धनपालथान गाउँपालिकामा राजनीतिक चहल पहल शुरु ।
१२.(कृषिमन्त्रीको भनाई)
मुलुकभित्रै उपलब्ध खाद्य पदार्थलाई व्यवस्थित गर्न नसकिएको कृषिमन्त्री चक्रपाणि खनालको भनाई /भौगोलिक बनाबट, विद्यमान ऐतिहासिक कारण लगायतले खाद्य सुरक्षाको बारेमा पर्याप्त ज्ञान नभएकाले व्यवस्थापनमा समस्या देखिएको उल्लेख ।
१३.(सुनसहित भरिया पक्राउ)
तिब्बतसँग सिमा जोडिएको संखुवासभाको भोटखोला गाउँपालिका–२ बाट पाँच किलो सुनसहित एक भरिया पक्राउ /सुनसहित नगद ३८ हजार ८० रुपैयाँ र केही चिनियाँ मुद्रासमेत बरामद ।
१४.(चितवनको विजयी सुरुवात)
नेपालमा पहिलोपटक सुरु भएको वुमेन च्याम्पियन्स लिग टी–२० क्रिकेटमा चितवन राइनोजको विजयी सुरुआत /चितवन राइनोजसंग क्याट क्वीन्स काठमाडौं ५ विकेटले पराजित ।
र,
१५.(मोदीको घोषणा)
भारतबाट पाकिस्तान जाने पानी रोक्ने भारतीय प्रधानमन्त्री नरेन्द्र मोदीको घोषणा /पानी रोकेर सिँचाइका लागि हरियाणाका किसानलाई दिन काम सुरु गरिएको उल्लेख ।
