९ कात्तिक, काठमाडौँ ।
भौतिक पूर्वाधार तथा यातायातमन्त्री रघुवीर महासेठले सरकारले विकास निर्माणको कामलाई तिब्रता दिएको बताएका छन् । शनिबार रिपोटर्स नेपालले गरेको साक्षात्कारमा बोल्दै मन्त्री महासेठले अबको केहि महिना पछि सरकारको कामको परीणाम देखिने बताए ।
जनताले मेलम्ची खानेपानी आयोजना, उपत्यका भित्रको सडकका विषयलाई लिएर आक्रोश पोख्ने दिन अब नआउने पनि बताए । कार्यक्रममा बोल्दै मन्त्री महासेठले पूर्व–पश्चिम रेलमार्ग निर्माण र काठमाडौं–केरुङ रेलमार्गमा पनि काम भइरहेको बताए । नेपाललाई चीन र भारत दुबै तर्फबाट रेलको संजालले जोडने आयोजनाको काम प्रक्रियागत रुपमा धेरै अगाडी बढेको बताए । कुनै पनि काम लक्ष्य भन्दा बाहिर नभएको मन्त्री महासेठले बताए ।
कार्यक्रममा बोल्दै मन्त्री महासेठले विकास निमार्णमा ढिला सुस्ती गर्ने जो कोहि पनि कारबाहिमा पर्ने बताए । एक फरक प्रसंगमा मन्त्री महासेठले तत्काल मन्त्रीमण्डमा फेरबदल नआउने बताए । हरेक दिन पत्रपत्रिका सरकारमा मन्त्रीमण्डलको फेरबदल हुने भनेर समाचार आए पनि त्यसको कुनै संकेत आफुले नपाएको पनि बताए । मन्त्रीमण्डल फेरबदल गर्ने अधिकार प्रधानमन्त्रीको अधिकार भएकोले प्रधानमन्त्रीले नचाहँदा सम्म केहि नहुने बताए ।
मन्त्रीमण्डलको फेरबदलको समाचारहरुमा परिवर्तन हुनसक्ने मन्त्री भनेर पहिलो नम्बरमा भने मन्त्री महासेठको नाम आउने गरेको छ ।
