१५ कार्तिक, काठमाडौं । नेपाल तरुण दलले नेपालगञ्ज नगर अध्यक्ष सन्दीपजंग शाहलाई पक्राउ गरिएकोमा विरोध जनाएको छ । लोड गरिएको अमेरिकन पेस्तोलसहित प्रहरीले उनलाई पक्राउ गरेपछि तरुण दलले विरोध जनाएको हो ।
शुक्रबार तरुण दलले प्रेस विज्ञप्ती जारी गर्दै ‘झुठा बहानामा’ पक्राउ गरिएको आरोप लगाएको हो । ‘प्रहरीद्वारा आफैले लगेको हतियार तरुण नेता सन्दिपजंग शाहको गाडीबाट बरामद भएको भनि झुठा बहाना बनाई फसाउने र सामाजिक आतंक सुृजना गर्ने काम भएको छ’ जारी विज्ञप्तीमा उल्लेख गरिएको छ,‘पक्राउ परेकालाई रिहाइको माग गर्दछौं।’अध्यक्ष जित जंङ्ग बस्नेतद्वारा जारी विज्ञप्तीमा फेला परेको पेस्तोलको फिङ्गर प्रिन्ट जाँच गर्न समेत माग गरिएको छ ।
शंकास्पद गतिविधि देखिएपछि शाहमाथि चेकजाँच प्रहरीले चेक जाँच गर्ने क्रममा उक्त पेस्तोल फेला परेको थियो । प्रहरीका अनुसार निजी सवारीको सिटमुनी लुकाइ रहेको अवस्थामा दुई वटा गोली लोड गरिएको अमेरिकन पेस्तोल फेला जनाएको छ ।
बाँके प्रहरी प्रमुख, प्रहरी उपरीक्षक वीर बहादुर ओलीले लोड गरिएको पेस्तोलसहित शाह पक्राउ परेको पुष्टि हुन्। शाहसंगै दिनेश कुमारी शाही, राघव शाह, पृतम थापा, माधव नेपाली र बामबहादुर बुढामगर पनि बिहीबार राती पक्राउ परेका हुन्।
