५ मंसिर, काठमाडौँ ।
सत्तारुढ दल नेपाल कम्युनिष्ट पार्टी (नेकपा)का अध्यक्ष पुष्पकमल दाहालले सत्य निरुपण तथा मेलमिलाप आयोगमा पूराना पदाधिकारी दोहोरिन नदिने प्रतिवद्धता व्यक्त गरेका छन् । अध्यक्ष दाहालले द्धन्द्ध पीडितहरुको समस्या अव छिट्टै समाधान गर्ने आश्वासन पनि दिए ।
विस्तृत शान्ति सम्झांैता भएको १३ वर्ष पूरा भएको अवसर पारेर बिहीबार काठमाडौंमा आयोजित एक कार्यक्रममा बोल्दै उनले विगतमा गठन गरिएको सो आयोगका पदाधिकारीमाथि पीडित पक्षको विश्वास र भरोसा नभएकाले पनि पूराना पदाधिकारी दोहो¥याउन नमिल्ने अडानमा आफू रहेको पनि स्पष्ट पारे । अध्यक्ष दाहालले पीडितहरुको चाहना र सरोकारवाला निकायहरुको पनि सुझावको आधारमा आफू सत्य निरुपण तथा मेलमिलाप आयोगमा नयाँ पदाधिकारी ल्याउने पक्षमा उभिएको पनि बताए ।
अध्यक्ष दाहालले द्धन्द्धकालका गम्भीर अपराधका घटनामा संलग्नलाई आम माफी दिन नसकिने अडान पनि राखे । उनले अन्तराष्ट्रिय कानुन, मानव अधिकारका दृष्टिले गम्भिर ठहर्याइएका घटनामा संलग्नहरुलाई माफी दिन नमिल्ने पनि बताए । समाजमा दिगो शान्ति स्थापना गर्न र पीडितलाई न्याय दिन पनि द्धन्द्धकालका गम्भिर अपराधका घटनामा आम माफी दिन नमिल्ने अध्यक्ष दाहालको भनाई छ ।
कार्यक्रममा बोल्दै नेपाली काँग्रेसका नेता कृष्णप्रसाद सिटौंलाले द्धन्द्धकालका पीडितलाई न्याय दिने काममा ढिलाई नगर्न सरकारलाई सचेत गराए । उनले सत्य निरुपण तथा मेलमिलाप आयोगमा क्षमता भएका नेतृत्व ल्याएर द्धन्द्धकालका पीडितलाई न्याय दिन उपयुक्त हुने सुझाव पनि सरकारलाई दिए । काँग्रेस नेता सिटौलाले राज्यले द्धन्द्धकालका पीडितलाई न्याय दिन ढिलाई भएको स्वीकार गरेर अघि बढनुपर्ने धारणा पनि राखे ।
