८ मंसिर, काठमाडौं । काठमाडौंको न्युरोडबाट साढे ६ लाख रुपैयाँसहित सात जना जुवाडेलाई प्रहरीले नियन्त्रणमा लिएको छ ।
शनिबार मध्यरात न्युरोडको रन्जना गल्लीबाट सात जना जुवाडे पक्राउ परेका हुन् । पक्राउ पर्नेहरूमा प्रदीप श्रेष्ठ, रमेश थापा, रविन तामाङ, सरुन तामाङ, सुशीला श्रेष्ठ, चन्द्र लामा र कुमार केसी रहेको महानगरीय प्रहरी परिसर काठमाडौंले जनाएको छ ।
परिसरका अनुसार चन्द्र लामाले सञ्चालन गर्दै आएको जुवाको अखडाबाट उनीहरू समातिएका हुन् । पक्राउ परेकामाथि जुवा ऐन अन्तर्गत अनुसन्धान तथा कारबाही थालिएको परिसरले जनाएको छ ।
