१५ पुस,विराटनगर ।
एक आपसमा जुटे समाजमा उदाहरणीय काम गर्न सकिन्छ । विराटनगरमा पनि एकपछि अर्को व्यक्ति जोडिएर बनेको एक समूहले उदाहरणीय कामको थालनी गरेको छ ।पूर्वाञ्चल कलेज प्रिन्सेस २०१५ सुस्मिता बस्नेत, मिस पुर्वाञ्चल २०१५ प्रियंका श्रेष्ठ, विपिका दाहाल,ममता अधिकारी लगायत सम्लग्न टोलीले विपन्न व्यक्तिहरुको स्वास्थ्य जाँच, जाडोका लागि न्यानो कपडा वितरण गर्नुका साथै सामुदायिक कुकुरहरुलाई खाने कुरा वितरण गर्ने कामको सुरुवात गरेका छन् ।
विभिन्न व्यक्ति तथा संघसंस्थाबाट सहयोग संकलन गरेर उनीहरुले आफ्नै पहलमा मंगलबार विराटनगर–११ सिताराम चौकमा अति विपन्नव्यक्तिहरुको निःशुल्क स्वास्थ्यजाँच, अत्यावश्यकीय औषधी वितरण गरेका छन् भने जाडोको लागि म्याट, व्ल्याङ्केट वितरण गरेका छन् । सबैलाई वितरण गर्न नसकेपनिआफुले किन्ननसक्ने विपन्न परिवारलाई ११ वटा व्याल्ङ्केट, म्याट्रेस वितरण गर्नुका साथै स्वास्थ्यजाँच गरिएको सुस्मिता बस्नेतले जानकारी दिइन् ।उनीहरुको टोलीले दुर्गा मन्दिर पश्चिममा एक गरिब र बेसहारा एक वृद्धा बस्ने घुम्तीमै पुगेर सामान्य औषधोपचारका साथै म्याट्रेस र ब्याङ्केट वितरण गरेको थियो ।वृद्धा बेसहारा र रोगीभएकोले उद्धारको तयारी गरिएको पनिउनीहरुले बताएका छन् ।
त्यस्त ैउनीहरुले त्यस क्षेत्रकासडक– सडक चहारेर सडकमा डुल्ने छाडा कुकुरहरुलाई पाउरोटी र सुख्खा रोटी पनि बाँडेका थिए । सडकमा बस्ने कुकुरहरुलाई कसैले हेरचाह नगर्ने भएकोले सकेसम्म खाने कुरा भएपनि वितरण गर्न लागेको बस्नेतले बताइन् । यस कार्यक्रमको लागि परिवार, व्यक्ति र संघसंस्थाबाट छोटो समयमा नै धेरै सहयोग प्राप्तभएको र आगामीदिनमा पनि सानो–सानो रकम संकलन गरेर यस कार्यक्रहरुलाई अगाडी बढाउने उनीहरुको योजना छ । यस कार्यक्रमलाई धेरै समय र धेरै ठाउँमा सञ्चालन गर्न असम्भव भएकोले आफुहरुले सञ्चालन गरेको अभियानबाट अरुमा समेत जनचेतना फैल्याउन सहयोग पुग्ने उनीहरुल विश्वास लिएका छन् ।
