आजका प्रमुख खबरहरुः
१.(फन्दामा उद्योगी)
उखु किसानका पैसा नतिर्ने चिनी मिल सञ्चालकलाई पक्राउ गर्न गृह मन्त्रालयको निर्देशन /सरकार र उद्योगीको गरी करिब साढे २ अर्ब बक्यौता बाँकी रहेको उखु किसान महासंघको दाबी ।
२.(बलिको लहरो)
मोडललाई ‘बलि चढाउने’ प्रयास गरेको आरोपमा समातिएको गिरोहले थप दुई जनालाई पनि निशाना बनाएको आशंका /पक्राउ परेका व्यक्तिसँग तेस्रो पक्षले ‘३ फिट उचाइभन्दा कम उचाईका दुई जनाको काम भइसकेको’ बताएको तथ्य फेला ।
३.(ल्होसारको शुभकामना)
आज पुरानो वर्षलाई बिदाइ गरी नयाँ वर्षलाई स्वागत गर्दै गुरुङ समुदायले मनाए ‘तमु ल्होसार’ पर्व /काठमाडौंको टुडिँखेलमा भएको कार्यक्रममा राष्ट्रपति विद्या भण्डारी सहभागी ।
४.(अल्झियो नेकपा)
बुधबारकालागि बोलाइएको प्रतिनिधिसभाको बैठक सूचना प्रकाशन गर्दै पुस २७ गतेसम्मका लागि पुनः स्थगित /सत्तरुढ दल नेपाल कम्युनिष्ट पार्टी भित्र सभामुख चयनको विषय टुंगो नलाग्दा संसद बैठकमा समेत असर ।
५.(क्षेत्राधिकारमाथि हस्तक्षेप)
नेपाल कम्युनिष्ट पार्टी (नेकपा)को सचिवालयले प्रदेश नम्बर ३ को नाम बाग्मती राख्न प्रदेशसभालाई निर्देशन दिने निर्णयको विरोध /प्रदेशको नाम ‘नेवा ताम्सालिङ’ राख्न नेवार समुदायका अभियन्ताहरुको माग ।
६.(मन्त्री आक्रोशित)
नागरिक उड्डयन सम्बन्धी विधेयक रोक्ने गतिविधि नगर्न कर्मचारीहरुलाई पर्यटनमन्त्री योगेश भट्टराईको चेतावनी / प्राधिकरणमा क्षति हुने गरी कुनै गतिविधि भए संलग्नबाटै क्षतिपूर्ति भराइने घोषणा ।
७.(निगरानीमा भाडावाल)
काठमाडौं उपत्यकासहित मुलुकका मुख्य सहरमा घरभाडामा बस्नेहरुको अब सरकारले अभिलेख राख्ने /घरभाडामा लिई विभिन्न व्यक्ति तथा समूहद्वारा हुने आपराधिक गतिविधिहरु रोक्न अभिलेख राख्नुपरेको गृहमन्त्री थापाको भनाई ।
८.(मिति पछि मिति)
सीमाविवादबारे भारतसँग छलफल गर्न नेपालद्वारा परराष्ट्र सचिवस्तरीय वार्ताको नयाँ मिति प्रस्ताव /कूटनीतिक माध्यमबाटै सीमा समस्या समाधान गर्न सकिन्छ भन्ने परराष्ट्रमन्त्री प्रदीप ज्ञवालीको विश्वास ।
९.(निकासी पैठारीका प्रावधान)
संक्रमित विरुवा वा विरुवाजन्य उपज निकासी तथा पैठारी गर्नेलाई ५० हजार देखि १ लाख ५० हजारसम्म जरिवाना हुने /एउटै दफामा निकासी र पैठारीको व्याख्या गर्नुभन्दा २ खण्डमा व्याख्या गर्नुपर्ने विज्ञहरुको सुझाव ।
१०.(कसरी हुन्छ विकास ?)
आर्थिक वर्ष २०७६/०७७ को ६ महिनामा सरकारको पूँजीगत खर्च १० प्रतिशतमा सिमित हुने / आर्थिक वर्ष शुरु हुन डेढ महिना आगावै बजेट खर्चको अख्तियारी दिएपनि पुरानै प्रवृतिका कारण पूँजीगत खर्च बढ्न सकेन ।
११.(अकबरी सुन)
नेपाली बजारमा सुनको मूल्य एक वर्षमा करिब १३ हजार आठ सय रुपैयाँले वृद्धि /१५ दिनमा सुनको भाउतोलामा २ हजारले महँगियो÷ सोमवार छापावाल सुन ७३ हजार तीन सयमा कारोवार ।
१२.(पर्यटनको भर)
अर्थतन्त्रमा पर्यटन क्षेत्रको योगदान ३ प्रतिशत रहनुकम रहेको पर्यटनमन्त्री योगेश भट्टराईको भनाई /नेपालको कुलगार्हस्थ उत्पादनमा पर्यटन क्षेत्रको योगदान १० प्रतिशत पु¥याउने योजना रहेको उल्लेख ।
१३.(चेतिदै एनसेल)
आगामी ६ महिनाभित्र सबै कर तिर्ने गरी किस्ताबन्दी सुविधा माग गर्दै एनसेलले तिर्यो ४ अर्ब ५० करोड रुपैयाँ पूँजीगत लाभकर /किस्ताबन्दीमा कर तिर्ने एनसेलको प्रस्तावबारे ठूला करदाताको कार्यालयको निर्णय आउन बाँकी ।
१४. (ए डिभिजन लिग)
ए डिभिजन लिगको आफ्नो सयौं खेलमा ब्रिगेड ब्वाइज क्लबद्वारा हिमालयन शेर्पा क्लब १–० गोल अन्तरले पराजित/ दोस्रो खेलमा च्यासल युवा क्लबमाथि प्रभु जावलाखेल युथ क्लबद्वारा २–० को जितदर्ता ।
र,
१५.(प्रकृतिको रुप)
अस्ट्रेलियाको तटीय क्षेत्रमा डढेलो फैलिएपछि हजारौँ मानिस समुद्रको किनारमा /डढेलोका कारण मृत्यु हुनेको संख्या १२ पुग्यो /डढेलोहरू नियन्त्रण बाहिर जान थालेपछि दुई राज्यमा संकटकाल घोषणा ।
