२१ पुस, काठमाडौं।
आज पनि काठमाण्डौसहित देशका मध्य र पूर्वका केही ठाउँमा कुहिरो लागेको छ ।
दिउँसो कुहिरो हट्ने र घाम लाग्ने सम्भावना रहेको मौसम पूर्वानुमान शाखाले जनाएको छ । तर बेलुकापछि भने पश्चिमी वायुको प्रभाव पश्चिमी क्षेत्रमा देखिने भएकाले राति पश्चिमी क्षेत्रको मौसम बदली हुने र हल्का पानी पर्ने सम्भावना छ ।
मङ्गलबारदेखि देशका उच्च पहाडी र हिमाली भेगमा पानी पर्ने र भारी हिमपात हुने भएकाले चिसो बढ्ने सम्भावना छ । तर काठमाण्डौसहित मध्य र तराईका भूभागमा भने पानी पर्ने सम्भावना खासै नभएको महाशाखाले बतायो । यी क्षेत्रमा भने सामान्य खालको बदली मात्रै हुनेछ ।
मङ्गलबार र बुधबार उच्च पहाडी र हिमाली भेगमा भारी हिमपात हुने सम्भावना भए पनि बिहीबारदेखि भने फेरि मौसममा सुधार हुने उल्लेख गरिएको छ ।
