एजेन्सी, पुस २८
एट्लेटिको मड्रिडलाई पराजित गर्दै स्पेनिस महारथी रियाल म्याड्रिडले स्पेनिस सुपर कपको उपाधि जितेको छ ।निकै नै तनावपुर्ण बनेको खेलमा १० खेलाडीमा समेटिएको रियालले एट्लेटिकोलाई पेनाल्टी सुटआउटमा ४–१ ले पराजित गर्दै सुपरकपको उपाधि जितेको हो ।
साउदी अरबको जेदाहास्थित किङ अब्दुल्लाह स्पोट्र्स सिटीमा आइतबार राति भएको खेलमा निकै नै प्रतिस्पर्धात्मक खेलको निर्धारित र थप गरिएको समयमा कुनै पनि गाल निस्कन नसकेपछि खेलको निर्णय पेनाल्टी सुटआउटबाट लिइएको हो । जसमा रियालले बाजी मारेको हो ।
पेनाल्टीमा रियालका ड्यानियल कार्भाहल, रोड्रिगो, लुका मोड्रिच र कप्तान सर्जियो रामोसले गोल गरे । एट्लेटिकोका किरियन ट्रिपिएरले मात्रै गोल गर्न सफल भए । साउल निग्वेज थोमसले गोल गर्न सकेनन् ।
पेनाल्टीमा रियालका कार्भाहलले गोल गर्दा एट्लेटिकोका साउलको प्रहार बाहिरिएको थियो । रोड्रिगोले सहजै गोल गर्दा थोमसको प्रहार रियालका गोलरक्षक थिवाउट कोर्टुवाले बचाए । लुका मोड्रिचले गोल गरेपछि रियाल जिततर्फ अग्रसर बनेको थियो । त्यसपछि किरियन ट्रिपिएरले गोल गरे । त्यसपछि रियालका कप्तान सर्जियो रामोसले गाल गर्दै रियाललाई ४–१ को जित दिलाउदै स्पेनिस सुपरकपको उपाधि दिलाए ।
त्यसअघि रियालले खेलको सुरुवातदेखि नै बल पोजेसन राख्दै एट्लेटिकोलाई दवावमा राख्न सफल भएको थियो । पहिलो हाफमा दवै टोलीले उल्लेख्य पोस्ट आक्रणमण बुन्न सकेको थिएन । दोस्रो हाफमा पनि दुवै टोलीले गतिलो मुभ बनाउन नसक्दा खेल अतिरिक्त समयमा धकेलिएको थियो ।
अतिरिक्त समयको २५औं मिनेटमा रियाल १० खेलाडीमा समेटियो । अल्भेरो मोराटालाई फउल गरेपछि रेफ्रीले रियालका फेडरिको भालभेर्डे दोहोरो पहेँलो कार्डसहित मैदानबाट बाहिरिएपछि खेल केहीवेर तनावुपर्ण बनेको थियो । रेफ्रीले त्यसपछि रियालका ड्यानियल कार्भाहललाई र एट्लेटिकोका एन्जल कोरेरा र स्टेफान साभिकलाई पहेँलो कार्ड देखाएका थिए । गोल निस्कन नसक्दा खेल पेनाल्टी सुटआउटमा पुगेको थियो ।
