६ माघ, एजेन्सी । यमनमा भएको क्षेप्यास्त्र आक्रमणमा परी कम्तीमा ८० सैनिक मारिएका छन् । मरिब प्रान्तमा रहेको मस्जिदमा हुथी विद्रोहीहरुले गरेको आक्रमणमा परी शनिबार उनीहरुको मृत्यु भएको अस्पताल र सैनिक स्रोतले जानकारी दिएको छ ।
शनिबार भएको यस आक्रमणमा परी ८० सैनिक मारिएका मरिब अस्पताल स्रोतले पुष्टि गरेको छ । यमनी राष्ट्रपति आबेद्राब्बो मानसुर हादीले कायर र आतङ्ककारी आक्रमण भनि निन्दा गरेका छन् । यस घटनामा परी अन्य दर्जनौँ घाइते भएका छन् र तीमध्ये केहीको अवस्था गम्भीर रहेको छ ।
यसअघिका यस्तै क्षेप्यास्त्र आक्रमणहरुमा हुथी विद्रोहीहरुले जिम्मेवारी लिने गरेका थिए। यस घटनाका बारेमा भने हुथी विद्रोहीको तर्फबाट अहिलेसम्म कुनै प्रतिक्रिया आएको छैन ।
