१४ माघ, काठमाडौं ।
नेपाल पत्रकार महासंघले पत्रकारको परीक्षा लिने मिडिया काउन्सिल विधेयकमा राखिएको प्रावधानप्रति आपत्ति जनाएको छ।
महासंघका उपाध्यक्ष विपुल पोख्रेलले नागरिकको आवाज बोल्ने, मानवअधिकारको पक्षमा बोल्ने र बेथितिविरुद्ध बोल्ने वर्ग नै पत्रकार भएकाले उसलाई लाइसेन्स लिएर मात्र बोल्नू भन्नु गलत रहेको भन्दै आपत्ति जनाए।
उनले भने, ‘ जुन वर्गले नागरिकको आवाजलाई बुलन्द गर्छ। सरकार समक्ष पुर्याउँछ र मानव अधिकारको पक्षमा वकालत गर्छ, उसैलाई लाइसेन्स लिएर मात्र बोल्नु भर्नु अभिव्यक्ति स्वतन्त्रताको विरोधी हो भन्ने पुष्टि हुन्छ। यसले मिडिया काउन्सिल विधेयक कुण्ठित मानसिकताबाट आएको देखिन्छ।’
उनले त्यस्तो प्रावधानलाई संसदबाटै हटाउनु पर्ने माग समेत गरेका छन्।
