१५ माघ, सुनसरी । सुनसरी हरिनगरा–१ बस्ने नौसाद अन्सारीको एक बर्षीय नाबालक छोराको पानीमा डुबेर मृत्यु भएको छ ।
मंगलबार अपरान्ह ५ बजे आफ्नै घरमा खेल्ने क्रममा पानी भरेको बाल्टिनमा डुबीरहेको अवस्थामा नाबालकलाई फेला पारेको र उनलाई उपचारार्थ लैजाने क्रममा बाटोमै मृत्यु भएको आफन्तले प्रहरीलाई जानकारी गराएका थिए ।
घटनाको जानकारी पाउनासाथ कानुनी कारबाही थालिएको जिल्ला प्रहरी कार्यालय सुनसरीले जनाएको छ ।
