१७ माघ, गोरखा ।
गोरखा नगरपालिका १० छेपेटारमा अवैध रुपमा सञ्चालित एक क्रसर उद्योग परिसरमा टिपरले किचेर महिलाको मृत्यु भएको छ ।
शुक्रबार बिहान दूध बेच्न हिँडेकी स्थानीय ५२ वर्षीया मनमाया तामाङलाई गोरखकाली क्रसर उद्योगमा टिपरले ठक्कर दिँदा ज्यान गएको डिएसपी वासुदेव खतिवडाले जानकारी दिए । तर प्रत्यक्षदर्शीले भने टिपरको ठक्करबाट घाइते महिलालाई ब्याक गरेर मारिएको दाबी गरेका छन्।
महिलालाई ठक्कर दिने ग १ ख ८०२७ नम्बरको टिपर र चालकलाई प्रहरीले नियन्त्रणमा राखेको छ। घटनाबारे अनुसन्धान भइरहेको डिएपी खतिवडाले बताए।
घटनास्थलमा जम्मा भएका स्थानीय र आफन्तजनले अवैध क्रसर बन्द गर्नुपर्ने र मृतक परिवारलाई क्षतिपूर्तिको माग गरिरहेका छन्। उनीहरुले माग पूरा नभएसम्म शव नउठाउने बताइरहेका छन्।
