२१ माघ, काठमाडौँ ।
दिनदिनै सामाजिक संजालको दुरुपयोग भएका खबर आइरहदा फेसबुक ग्रुप मेन्ज रुम रिलोडेड ‘एमआरआर’ले राष्ट्रिय आविष्कार केन्द्रलाई तीन लाख पाँच हजार रुपैयाँ बराबरको सामान सहयोग गरेको छ ।
समूहले देशभित्र र बाहिर रहेका आफना सदस्य तथा अन्य प्रयोगकर्ताहरुबाट संकलन गरिएको रकमबाट इलेक्ट्रिक पाइप, बेन्डर, पगकटर लगायतका मेसिनरी सामान केन्द्रका प्रमुख महावीर पुनलाई प्रदान गरेको हो ।
सहयोग सामग्री बुझ्दै प्रमुख पुनले आर्थिक र मेसिनरी सहयोगसँगै युवाहरुले केन्द्रलाई बौद्धिक सहयोग पनि गर्न आवश्यक रहेको बताए । उहाँले एमआरआरले आविष्कार केन्द्रलाई थप मानिसहरुसम्म र्पुयाउन र यसको उद्देश्य विस्तार गर्न सहयोग पुग्ने विश्वास पनि व्यक्त गरे ।
सहयोगको कार्यक्रमलाई संयोजन गरेका गणेश कार्कीले नेपाली युवा समाजका नराम्रा कुराहरुको खबरदारीसँगै राम्रा कामलाई प्रोत्साहन गर्छन् भन्ने सन्देश दिन र आविष्कार केन्द्रको कामप्रति ऐक्यबद्धता जनाउँदै सहयोग गरेको बताए ।
