२४ माघ, विराटनगर । विराटनगर महानगरपालिका वडा नं १२ मलंगवास्थित उखुवारीमा हत्या गरेर फालिएको एक युवतीको शवको पहिचान खुलेको छ ।
शव सुनसरी दुहवी नगरपालिका ६ की स्थानीयवासी ३२ वर्षीया सम्झना खत्री परियारको रहेको प्रहरीले पुष्टि गरेको हो । मृतकको श्रीमान्ले शवको पहिचानको गरेको मोरङ प्रहरी जनाएको छ । उनको श्रीमान् विकास परियार एलाममा टेलर्स व्यवसाय गर्दै आइरहेका थिए ।
प्रहरीको प्रारम्भिक अनुसन्धानले अन्य मानिससंगको सम्बन्धका कारण हत्या भएको हुन सक्ने आशंका गरिएको छ । उनी मंगलबारदेखि वेपत्ता थिइन् । उनको घाँटीमा चोट देखिएको र घाँटीमा सलले बेरेर हत्या गरेको अवस्थामा युवतीको शव फेला परेको मोरङ प्रहरीका प्रहरी नायब उपरीक्षक लोकदर्शन थापाले बताए । थापाका अनुसार उखु काट्न गएका मजदूरले शव देखेपछि प्रहरीलाई खबर गरेका थिए ।
