१२ फागुन, सिन्धुली । एक वृद्धलाई ठक्कर दिएर भाग्ने गाडी र चालकलाई पक्राउ गर्न माग गर्दै सिन्धुलीमा बीपी राजमार्ग अवरुद्ध गरिएको छ ।
सिन्धुलीको गोलचक्कर गाउँपालिका ७ तल्लो बारा पलासेमा सोमबार बिहान गाडीको ठक्करबाट ५० वर्षीय नन्दलाल श्रेष्ठको मृत्यु भएको थियो । ठक्कर दिने गाडी र चालकको पहिचान हुन सकेको छैन् । सडक अवरुद्ध हुँदा उपप्रधानमन्त्री तथा रक्षामन्त्री ईश्वर पोखरेल बाटैमा रोकिएका छन् ।
उपप्रधानमन्त्री पोखरेल कमलामाई नगरपालिकाको भिमादमा आजाद स्मृतिको कार्यक्रममा सहभागी हुन सिन्धुली जाँदै थिए । उनी अहिले सुनकोशी गाउँपालिका मूलकोटमा करिव एक घण्टाभन्दा बढी समयदेखि रोकिएका छन् ।
इलाका प्रहरी खुर्कोटले ठक्कर दिने गाडीको खोजी कार्य जारी रहेको जानकारी दिएको छ । सडक अवरुद्ध हुँदा सयौं सवारी साधान र यात्री बीचबाटोमै अलपत्र परेका छन् ।
