१२ फागुन, एजेन्सी ।
दक्षिण एसियाली राष्ट्र अफगानिस्तानमा पनि कोरोना भाइरसको संक्रमण देखिएको छ।
इरानबाट फर्किएका तीनजना युवामा भाइरसको संक्रमण देखिएको हो। इरानको हेरातबाट फर्किएका उनीहरुलाई हाल निगरानीमा राखिएको छ। उनीहरु बसेको कोम शहरमा कोरोना भाइरसबाट धेरै प्रभावित बनेको बताइएको छ।
इरानमा हालसम्म कोरोनाबाट ८ जनाको मृत्यु भइसकेको छ भने धेरैमा यसको संक्रमण देखिएको छ। तीनजनामा संक्रमण देखिएसँगै अफगानिस्तानले विमानस्थल र सडकमार्ग हुँदै अफगानिस्तान आउनेको स्वास्थ्य परीक्षणमा कडाइ गरेको छ।
इरानमा संक्रमण फैलिएसँगै पाकिस्तानले इरानसँगको सीमा बन्द गरेको जनाइएको छ।
