२५ चैत्र, एजेन्सी ।
कोरोना भाइरसको संक्रमण बढ्दै गएपछि जापानको राजधानी टोकियोसहितका ६ शहरमा आपतकालीन अवस्था घोषणा गरिएको छ।
प्रधानमन्त्री शिन्जो आबेले कोरोना भाइरसको संक्रमण फैलिने उच्च जोखिम रहेका शहरमा एक महिनाका लागि आपतकालीन अवस्था घोषणा गरेका हुन्। टोकियो र ओसाकासहितका शहरमा आपतकालीन अवस्था घोषणा भएको हो।
तर जापानमा युरोपमा जस्तो लकडाउन नहुने प्रधानमन्त्री आबेले बताएका छन्। मानिसहरुलाई घर भित्रै बस्न र अत्यावश्यक बाहेकका व्यवसाय बन्द गर्न आग्रह गरिएको छ।
जापानमा अहिलेसम्म कोरोना भाइरसबाट संक्रमितको संख्या तीन हजार ९०६ पुगेको छ। यस्तै मृत्यु हुनेको संख्या ९२ छ।
