२८ चैत, विराटनगर ।
देशको शान्तिसुरक्षामा खटिने सुरक्षाकर्मी यति बेला कोरोनाभाईरस रोकथामतथा नियन्त्रणका लागि सरकारले जारी गरेको लकडाउन कार्यान्वयनमा पनि ब्यस्त छन् । कोरोना भाईरस फैलिन नदिन सरकारको आदेश अनुसार आफ्नो कर्तव्य पूरा गर्दै आफ्नो स्वास्थ्य समेत जोखिममा राखेर अहोरात्र खटिईरहेका छन् ।
कोरोनाको संक्रमणविरुद्ध अग्रपङितमा रहेर चौबीसै घण्टा सुरक्षा प्रदान गरिरहेका प्रहरी कालो मास्कको भरमा सडकमा खटिएका छन । आफ्नो सुरक्षित हुन चाहिने अत्यावश्यक सामाग्री समेतको अभावमा खटिईरहेका सुरक्षाकर्मीलाई ढिलै भएपनि विभिन्न संघ संस्थाले सहयोग गर्न थालेका छन् ।
यसैक्रममा लायन्स क्लव अफ विराटनगर इन्टरप्रिनरले लकडाउनमा खटिएका सुरक्षाकर्मीलाई सहयोग गरेको छ । क्लवका प्रिसिडेन्ट सुजन थापा सहितको सहभागीतामा क्ल्वमा आबद्ध व्यत्ति तथा विभिन्न सक्रिय युवाहरुले बिहीबार सुरक्षाकर्मीलाई माक्स, स्यानिटाईजर, ग्लोब्स वितरण गरेको लायन्स क्लव अफ विराटनगर इन्टरप्रिनरकी सेक्रेटरी सन्जु सापकोटाले जानकारी दिइन् ।
विराटनगरका विभिन्न ठाउँमा खटिएका सुरक्षाकर्मीलाई सो सहयोग गरेको उनले बताइन् ।
