आजका प्रमुख खबरहरुः
१.(दोहोरोले बढोत्तरी)
नेपालमा थप १९ जनामा कोरोना संक्रमण देखिएसँगै संक्रमितको संख्या ६ सय ३ पुग्यो /अहिलेसम्म ४२ जिल्लामा संक्रमण देखियो /८७ जना उपचारपछि निको भए ।
२.(सबैतिर बढेको बढै)
आइतबारसम्म पीसीआरबाट ४८ हजार ८ सय १५, र आरडिटीबाट ९० हजार २६ नमुना परीक्षण /देशभर ३९ हजार ८ सय ४ जना क्वारेन्टाइनमा /५ सय १३ जना आइसोलेसनमा ।
३.(हद पार गरेपछि )
कोरोना संक्रमित नै भाग्न थालेपछि बाँकेको नरैनापुरलाई निषेधित क्षेत्र घोषणा गरियो / ११४ जनामा कोरोना संक्रमण देखिएको नरैनापुरमा नेपाली सेनासहित थप सुरक्षाकर्मी परिचालन ।
४.(सरकार खोई परीक्षण ?)
भीटीएम किट अभावका कारण ३३ जना कोरोना संक्रमित भेटिएको झापाको कचनकवलमा तीन दिनदेखि स्वाब संकलन रोकियो /क्वारेन्टाइनमा रहेका १ सय ३३ जनाको परीक्षण बाँकी /भारतबाट भित्रिएकालाई होल्डिङ सेन्टरमा राखियो ।
५.(लोगोमा नक्सा)
नयाँ नक्सा जारी भएपछि संघीय संसदको लोगो परिवर्तन गरिने /संघीय संसदका दुबै सदनका सांसदहरुले प्रयोग गर्ने लोगोमा पनि एकरुपता ल्याइने प्रक्रिया अघि बढाउन संसदीय समितिको संसद सचिवालयलाई निर्देशन ।
६.(पूरानो हटाउ नयाँ राख)
लिम्पियाधुरा, लिपुलेक र कालापानी क्षेत्र समेटिएको नेपालको नयाँ राजनीतिक तथा प्रशासनिक नक्सा प्रचलनमा ल्याउन भूमि व्यवस्था मन्त्रालयको परिपत्र /सातै प्रदेश र सवै स्थानीय तहसहित सवै कार्यालयमा नयाँ नक्सा प्रचलनमा आउने ।
७.(पूरानै कुरा)
विदेशमा समस्यामा परेका नेपाली नागरिकहरुलाई प्राथमिकताका आधारमा स्वदेश ल्याउन संसदको राष्ट्रिय सरोकार तथा समन्वय समितिको निर्देशन /कुटनीतिक संवादमार्फत नेपालको भूमि प्राप्त गर्न ठोस पहल अगाडि बढाउन सरकारलाई आग्रह ।
८.(सुझावले चिन्ता बढायो)
विद्यालय स्तरको पठनपाठन सुचारु गर्ने व्यवस्था मिलाउन र एसइईको परीक्षा स्थगन गर्न शिक्षाविद्हरुको सुझाव /देशभरका अधिकांश विद्यालयलाई क्वारेन्टाइन बनाइएकोले व्यवस्थापन कठिन हुने भन्दै तत्काल विचार गर्नुपर्नेमा जोड /सबै विद्यार्थीहरुमा इन्टरनेटको उपलब्धता नहुने भन्दै विकल्प खोज्नुपर्ने ।
९.(ईदको विदा)
ईस्लाम धर्मावलम्बीहरुले मनाउने ईद उल फित्र पर्वकालागि सोमवार सार्वजनिक विदा / आइतबार भनिएको सार्वजनिक विदा सोमवारलाई सारिएको गृह मन्त्रालयको भनाई ।
१०.(मर्म बुझेको जापान)
नेपाल एयरलाइन्सको वाइडबडी जहाजले जापानको नारितामा चौथोपटक चार्टर्ड उडान गर्दै/ जापानी दूतावासद्वारा चार्टर्ड गरिएको विमानमार्फत लकडाउनका कारण नेपालमा रोकिएकामध्ये २ सय ६० भन्दा बढी जापानी तथा नेपाली जाँदै ।
११.(नेपालीको दुःख)
विदेशमा कोरोना संक्रमणका कारण मृत्यु हुने नेपालीको संख्या १ सय १४ पुग्यो /विश्वभर १२ हजार ८ सय २१ नेपाली कोरोनाबाट संक्रमित रहेको एनआरएनएको तथ्यांक ।
१२.(अलपत्रको उद्वार)
पूर्वी सीमापारि दार्जिलिङ क्षेत्रबाट आएर सिमामा बसिरहेका नेपालीहरुलाई नेपाल प्रवेश गर्न दिइने /पहिलो चरणमा दुईसय जनालाई केही समय होल्डिङ एरियामा राखेपछि स्वास्थ्य जाँच गरि सम्बन्धित जिल्लाको क्वारेन्टाईनमा राखिने ।
१३.(कैदीको उपद्रो)
काठमाडौँको डिल्लीबजार कारागारमा चौकीदार राख्ने विषयमा विवाद भएपछि झडप /कारागारभित्रै नाराबाजी / घटना बारे छानबिन गर्न दुई सदस्यीय छानबिन समिति गठन ।
१४.(अब रेलबाट सामान)
चीनको सियान सहरबाट अब सातामा एक पटक काठमाडौंका लागि सामान बोकेर कार्गो रेल आउने /दुई दिनअघि छुटिसकेको रेलबाट नेपालबाट मगाइएका विभिन्न सामानहरू आउदै ।
र,
१५.(विश्वको कहर)
कोरोना महामारीका कारण विश्वभर हालसम्म ३ लाख ४४ हजार बढीको मृत्यु/ ५४ लाख २६ हजार बढी संक्रमित /२२ लाख ५९ हजार बढी निको भएर घर फर्किए ।
