योगेन्द्र योगी
२ असार, दोहा ।
कोरोना भाइरसका कारण समस्यामा परेका नेपालीहरुलाई साउदीबाट आउँदो असार ४ गते हिमालय एयरलाइन्सले उडान मार्फद स्वदेश ल्याउने भएको छ ।
साउदीस्थित नेपाली दूताबासका अनुसार यो पहिलो उडानमार्फत २२३ जना नेपालीहरु स्वदेश फर्किने छन् भने उनीहरुको नामावली हिमालय एयरको साउदीमा रहेको कार्यालयलाई बुझाइएको छ ।
हिमालय एयरलाइन्सको यो उडानबाट नेपाल फर्कन ४६५ डलर अमेरिकी डलर अर्थात ५६ हजार नेपाली रूपैया भाडादर तोकिएको दूताबासले जनाएको छ । टिकटका लागि साउदीमा रहेको हिमालय एअरका प्रतिनिधि सुवास तिमिल्सिनालाई ००९६६५९८४००१९८ मा सम्पर्क गर्न सकिने दूताबासले जनाएको छ ।
टिकट बुक गरेपछि मात्र कोरानो जाँच गराउन र सकभर आफ्नो कम्पनीमार्फत कोरोनाको जाँच गराउने व्यवस्था गर्न र त्यो सम्भव नभएमा आफूलाई पायक पर्ने ठाउँमा गएर कोरोना जाँच गराउन समेत दूताबासले अनुरोध गरेको छ ।
दूतावासका अनुसार तत्काल २५ सय भन्दा बढि नेपालीलाई स्वदेश फर्काउनु पर्ने अवस्था छ भने १० हजारभन्दा बढीले स्वदेश फर्कन पाऊँ भन्दै फारम भनेको दूताबासले जनाएको छ । साउदीमा करिब तीन लाख बीस हजार नेपाली कामदार कार्यरत रहेका छन् ।
स्वदेश फर्कने नेपाली
