१६ असार, विराटनगर ।
कोरोना संक्रमित मुलुकहरुको सूचीमा नेपालको खराब यात्रा उकालो लाग्दो क्रममै रहेको छ।
कोभिड १९ का कारण खराब अवस्थामा गुज्रिएका मुलुकको सूचीमा डेनमार्क र दक्षिण कोरियालाई नेपालले पछि पारिसकेको छ। विश्वका कोरोना प्रभावित मुलुकको सूचीमा नेपाल यतिखेर ६१ औं स्थानमा रहेको छ। नेपालमा हिजो साँझसम्म १३ हजार २ सय ४८ संक्रमित छन्।
नेपालले उछिनेको दक्षिण कोरियामा संक्रमितको संख्या १२ हजार ७ सय ५७ छ भने डेनमार्कमा १२ हजार ७ सय ५१ रहेको छ। खराब मुलुकको सूचीमा नेपालभन्दा अगाडि अब अल्जेरिया रहेको छ। त्यहाँ संक्रमितको संख्या १३ हजार ५ सय ७१ रहेको छ। त्यसैगरी सर्वियामा १४ हजार २ सय ८८ संक्रमित रहेका छन्।
संक्रमितको संख्यामा अमेरिका, ब्राजिल, रसिया र भारतको अग्रता कायमै छ।
