४ साउन, काठमाडौं ।
सवारी चालक अनुमती पत्रको प्रक्रिया अझै करिब दुई महिनासम्म सुरु नहुने भएको छ ।
गत चैत ११ गतेदेखि कोभिड–१९ का कारण लकडाउन भएदेखि बन्द गरिएको नयाँ लाइसेन्स प्रक्रिया अझै दुई महिनासम्म नखुल्ने यातायाता व्यवस्था विभागले जनाएको छ ।
विभागका महानिर्देशक गोगनबहादुर हमालले नयाँ चालक अनुमतीपत्र जारी गर्ने, वर्ग थप गर्ने कार्य अझै आगामी दुई महिनासम्म नहुने बताए । विभागले ट्रायल पास उपभोक्ताको लाइसेन्स वितरण भने सुरु गरिसकेको छ ।
बागमती प्रदेशका कार्यालयहरुलाई विभागले सन् २०१९ मा ट्रायल पास भएकाको लाइसेन्स वितरण सुरु गरेको हो । बागमती प्रदेशबाहेक अन्य प्रदेशमा भने सार्वजनिक यातायात सञ्चालन भएकाले पठाउन नसकिएको विभागले जनाएको छ ।
बागमती बाहेक अन्यको सन् २०१९ मा आवेदन दिएकाको पनि लाइसेन्स छपाई सकिन लागेको विभागले जनाएको छ । कर्णाली र सुदूरपश्चिम प्रदेशको भने पहिले नै लाइसेन्स छापिसकेको विभागले जनाएको छ ।
