१४ साउन, काठमाडौँ । जनता समाजवादी पार्टी (जसपा) को तर्फबाट लीलादेवी सिटौलाले प्रतिनिधिसभाको समानुपातिक सांसद पदको शपथ लिएकी छन् ।
सभामुख अग्निप्रसाद सापकोटाले शपथ ग्रहण गराएका हुन् । उनी जनता समाजवादीको तर्फबाट खस आर्य क्लस्टरबाट सांसद निर्वाचित भएकी हुन् । उनी ललितपुरकी स्थानीय हुन् । शपथ ग्रहण कार्यक्रममा पूर्वप्रधानमन्त्री बाबुराम भट्टराई, नेकपा संसदीय दलका उपनेता सुवास नेम्वाङ लगायतको उपस्थिति थियो ।
पार्टीको ‘ह्विप’ नमानेका कारण पार्टीको संगठित सदस्य र सांसद पदबाटसमेत हटाइएकी सरिता गिरीको ठाउँमा सिटौला नियुक्त भएकी हुन् ।
