२०६४ सालको संविधानसभा निर्वाचनमा तत्कालीन नेकपा माओवादीबाट कैलाली ६ मा निर्वाचित भएकी भण्डारी पछिल्लो समय डा. बाबुराम भट्टराईले पार्टी खाेलेसँगै नेतृत्वको नयाँ शक्ति पार्टीमा थिइन् ।
भण्डारीसँगै पूर्वराजदूत माया शर्मा, पूर्वसभासद सुकदैया चौधरीलगायत १७५ जना नेता कार्यकर्ता एमाले प्रवेश गरेका छन् । एमाले केन्द्रीय कार्यालय काठमाण्डाैंमा आयोजित एक कार्यक्रममा अध्यक्ष केपी शर्मा ओलीले नवप्रवेशीहरुलाई खादा लगाएर एमाले प्रवेश गराएका थिए ।राजनीतिक परिवर्तनको लागि आफूले माओवादी जनयुद्धमा लागेर योगदान गरे पनि अब आर्थिक समृद्धिका लागि एमालेको नेतृत्व आवश्यक देखेर एमाले प्रवेश पूर्वमन्त्री भण्डारीकाे भनाइ थियाे । उनले २२ वर्षअघि आफू एमालेबाट माओवादीतर्फ लागेको भन्दै पुनः घर फर्किएको घोषणा गरिन् ।
उनले नयाँ शक्ति पार्टी सानो र प्रभावहीन भए पनि त्यसको नेतृत्व गरिरहेका बाबुराम भट्टराई प्रभावशाली नेता भएकाले उनलाई पनि एमालेमा ल्याउन पहल गर्न ओलीलाई आग्रह गरिन् ।
