योगेन्द्र योगी
१ भदाै, दोहा ।
कोरोनाको महामारीपछि अप्ठ्यारोमा परेका नेपालीहरूका लागि संयुक्त अरव ईमिरेट्स (युएई) बाट थप १५ उडान तय भएको छ । अगष्ट १७ देखि अगष्ट ३१ सम्मको लागि उडान तालिका सार्वजनिक गरिएको यूएईस्थित नेपाली दूतावासले जनाएको छ ।
दूतावासले यसअघि सार्वजनिक गरिएको स्वदेश फर्कनैपर्ने सूचिमा नाम भएका व्यक्तिहरुले आफूलाई पायक पर्ने ठाउँमा टिकट लिन समेत अनुरोध गरेको छ ।
नेपाल एयरलाइन्सको दुबईबाट अगष्ट १७, २१, २५, २७,२९, ३१ तारिखमा उडान गर्ने तय भएको छ । हिमालय एयरलाइन्सले अबुधाबीबाट अगष्ट २५, २७, २९, ३१ तारिखमा उडान गर्ने दूतावासले जनाएको छ ।
यसैगरी, एयर अरेबियाले शारजहाँबाट अगष्ट २५ र ३१ तारिखमा उडान गर्ने छ भने फ्लाई दुबईले दुबईबाट अगष्ट १७ र २० तारिखमा उडान गर्नेछ । यस्तै इतिहाद एयरलाइन्सले अगष्ट २७ तारिखमा उडान गर्ने दूतावासले जनाएको छ ।
यूएईबाट स्वदेश फर्किन ४२ हजार नेपालीले आफ्नो नाम दर्ता गराएपनि अहिलेसम्म विभिन्न ८२ वटा चार्टड उडानमार्फत १३ हजार ७८५ जना मात्र स्वदेश फर्किएको दूतावासले जनाएको छ ।
