५ भदौ, दोहा ।
कुवेतमा एक नेपालीले आत्महत्या गरेका छन् । कुवेतको मानगफ क्षेत्रमा पाँचथरका गोकुल प्रसाद तामाङले आत्महत्या गरेका हुन् । ३५ बर्षीय तामाङले आफ्नै कोठामा झुन्डिएर आत्महत्या गरेको बताइएको छ ।
कुवेतको सेभेन बर्गर कम्पनीमा काम गर्दै आएको उनले के कारणले आत्महत्या गरे भन्ने बारे पूर्ण विवरण आइनसकेको कुवेतस्थित नेपाली दूतावास स्रोतले जनाएको छ ।
घटनाबारे उनी कार्यरत कम्पनीसँग समन्वय गरि जानकारी लिने काम भईरहेको दूतावासले जनाएको छ । मृतकको घरमा श्रीमती, दुई छोरा र एक छोरी रहेको बुझिएको छ ।
