१८ असोज, सिन्धुली । सिन्धुलीका निजी विद्यालयले लकडाउनको समयमा बन्द भएको पाँच महिनाको सबै खाले शुल्क मिनाहा गरेको छ ।
प्याबसन सिन्धुलीले पत्रकार सम्मेलन गरी वैशाखदेखि भदौ महिनासम्मको शुल्क मिनाहाको घोषणा गरेको हो । कोरोना महामारीले सबै क्षेत्रमा प्रभाव परिरहेको बेला देशभरिका नै अरु विद्यालयलाई सन्देश दिने गरी सिन्धुलीले नमुना काम गरेको प्याब्सन सिन्धुलीका अध्यक्ष राजेश मास्केले बताए ।
लकडाउनका बेला पनि अनलाइन कक्षा, रेडियो कार्यक्रम र होमवर्क प्याकेज दिने जस्ता वैकल्पिक शिक्षाका गतिविधि गरी नै रहेको भए पनि कुनै शुल्क नलिने निर्णय गरेको उनले बताए । प्याब्सन सिन्धुलीमा जिल्लाका ३३ वटा निजी विद्यालय आबद्ध छन् ।
