लखनउ, असोज २
भारतको लखनउमा जारी यू १९ एकदिवसीय क्रिकेटमा अफगानिस्तानले नेपाललाई २४५ रनको लक्ष्य दिएको छ । टस जितरे पहिला ब्याटिङ गरेको अफगानिस्तानले निर्धा्रित ओभरमा ८ विकेट गुमाएर २४४ रन बनाएको थियो ।
अफगानिस्तानका लागि रियाज हसनले शतकीय पारी खेल्दै ११६ रन बनाएर नट आउट रहे । १४९ बल खेलेका हसनले १२ चौका तथा २ छक्का प्रहार गरेका थिए ।बसिर खानले ३२, आरिफ खानले २४ तथा इजाज अहमदले १९ रन जोडेका थिए ।
नेपालका पवन शर्राफ, सागर ढकाल र मोहम्मद समसेदले समान दुई दुई विकेट लिएका थिएभने रसिद खानले १ विकेट लिए । भारतका दुई तथा नेपाल र अफगानिस्तान सहित ४ टिम सहभागी प्रतियोगितामा नेपाल र अफगानिस्तान तेस्रो स्थानका लागि भिडेका हुन् ।
नेपाल भारतका दुवै टिमसँग पराजित भएको थियो भने अफगानिस्तान भारतका दुबै टिम र नेपालसँग पनि पराजित भएको थियो ।
