विराटनगर,असार ५
अवैध रुपमा ढुङ्गा, गिट्टी, बालुवा उत्खनन् तथा ओसार पसारमा संलग्न दुई वटा सवारी साधनलाइ प्रहरीले सोमबार नियन्त्रणमा लिएको छ ।
मोरङ केराबारी गाउपालिका वडा नं.८ स्थित खदम खोलाबाट ढुङा, गिट्टी उत्खनन्मा प्रयोग भएको ना १ क ८०४४ नं। को जेसिबि र ओसार पसारमा संलग्न ना ७ ख ३२२० नम्बरको हाइवा ट्रिपरलाई प्रहरीले नियन्त्रणमा लिई कारवाहीका लागी केराबारी गाउँपालिकाको कार्यालयमा पठाईएको हो।
इलाका प्रहरी कार्यालयबाट खटिएको टोलीले खदम खोलादेखी पूर्वपट्टी आमजुगीं बिश्वकर्मा मन्दिर जाने सडकदेखी दक्षिणमा ठूलो परिमाणमा मिक्सगिट्टी थुपारेको र सो स्थानबाट जेसिबिको मद्दतले ट्रिपरमा लोड गर्दै गरेको फेला पारेको थियो ।
