इलाममा पिकअप दुर्घटना : १ जनाको मृत्यु,५ घाइते

0SHARES

२४ फाल्गुन २०७५ नेपाल टाईम्स

इलाम, फागुन २४
इलाम नगरपालिका–४ सिम्लेमा बिहीवार पिकअप दुर्घटनामा परि १ जनाको मृत्यु भएको छ भने ५ जना घाइते भएका छन् । बिहिवार दिउँसो ताप्लेजुङबाट ईलाम तर्फ आउँदै गरेको सडक बिभाग ताप्लेजुङको बा १ झ ९८९८ नम्बरको जिप ब्रेक फेल भई सडकबाट १०० मिटर तल खसेर दुर्घटना भएको थियो ।दुर्घछनामा परी जिपमा सवार ५ जना नै गम्भीर घाईते भएका थिए ।

घाईतेहरुलाई घटनास्थलमा खटिएको प्रहरी टोलीले तत्काल उद्धार गरी उपचारको लागि झापा स्थित बि.एण्ड.सि. अस्पताल पठाएकोमा उपचारको क्रममा तेह्रथुमकी ५० बर्षीया जानुका योङहाङको राती ८ बजे मृत्यु भएको हो ।

सोही दुर्घटनामा परी फुङलिङ नगरपालिका–५ का ७४ बर्षीया धनमाया लिम्बु, नुवाकोट ककनी गाउँपालिका–५ को १८ बर्षीय जंग तामाङ र सोही स्थानका जिप चालक २६ बर्षीय रितिक लामा तथा लेलेप गाउँपालिका–२ का ४५ बर्षीय पेम्बा शेर्पाको सोही अस्पतालमा उपचार भईरहेको छ ।

विज्ञापन बक्स