एनसेल बम काण्ड स् ‘विप्लव’ समूहले बिस्फोट गराएको प्रहरीको दाबी

0SHARES

१३ फाल्गुन २०७५ नेपाल टाईम्स

काठमाडौं, फागुन १३
ललितपुरको नख्खुस्थित एनसेलको मुख्य कार्यालयअगाडि बम विस्फोट गराउने नेत्रविक्रम चन्द ‘विप्लव’ समूहको कार्यकर्ता भएको प्रहरीले जनाएको छ । घटनामा संलग्न भएको आशंकामा पक्राउ परेका तीन जना सो समूहको भएको प्रहरीले जनाएको छ ।

पक्राउ पर्नेमा कालिकोटको रासकोट नगरपालिकाका हाल ललितपुर महानगरपालिका धापाखेलमा बस्ने २० वर्षीय मानबहादुर तिरुवा, ललितपुरकै भैंसेपाटी बस्ने वर्ष २६ का सुदिन थापा र २८ वर्षीय सुदन थापा रहेका छन् ।

उनीहरुविरुद्ध ललितपुर जिल्ला अदालतबाट तीन दिन म्याद थप गराएर अनुसन्धान अघि बढाइएको प्रहरीले जनाएको छ । तीन जना विप्लव समूहको कार्यकर्ता भएको प्रहरीको दाबी छ ।

प्रहरीका अनुसार बम काण्डमा संलग्न रहेको आशंकामा पक्राउ परेका एनसेल कार्यालयकै दुई सुरक्षा गार्डलाई भने हाजिरी जमानीमा राखेर अनुसन्धान भइरहेको छ ।

अन्य एक जनालाई तारिखमा छाडिएको छ । गत शुक्रबार राति एनसेल मुख्यालयमा भएको बम विस्फोटमा परी तीन जना घाइते भएका थिए । जसमध्ये लमजुङका ४९ वर्षीय सिंगप्रसाद सिंहको उपचार क्रममा मृत्यु भइसकेको छ ।

विज्ञापन बक्स