कतारबाट १४९ नेपाली लिएर उड्यो नेपाल एयरलाइन्स, बिदाई गर्न राजदूत पुगे विमानस्थल

0SHARES

७ असार २०७७ नेपाल टाईम्स

योगेन्द्र योगी
७ असार, दोहा ।

कोरोना भाइरसले पारेको असहज परिस्थितिको कारण तत्काल नेपाल फर्कनै पर्ने अवस्थाका नेपालीहरुले कतारस्थित नेपाली दूतावासमा घर फर्किन पाऊँ भन्दै फारम भरेर तथा विभिन्न माध्यमबाट आफ्नाे विवरण उपलब्ध गराए अनुरूप पहिलो चरणमा कतारको दोहाबाट काठमाडाैँ का लागि नेपाल एयरलाइन्सको उडान न: २३९२ बाट १४९ जना नेपालीहरू स्वदेश फर्किएका छन् ।

यो उडानमा ३ जना नाबालक, २९ जना सुत्केरीगर्भवती सहित ८२ जना महिला र ६४ जना पुरुषहरु रहेको दूतावासले जनाएको छ । स्वदेश फर्कन लागेका नेपालीहरुलाई बिदाई गर्न कतारका लागि नेपाली राजदूत नारदनाथ भारद्वाज हमाद अन्तर्राष्ट्रिय विमानस्थल पुगेका थिए भने दूतावासका अन्य कर्मचारीहरू पनि बिदाई गर्न पुगेका थिए ।

अर्को उडान २२ तारिक र २४ तारिकमा हिमालयन एयर लाइन्स मार्फत हुने दूतावासका दितिय सचिब प्रबिण भट्टराईले जानकारी दिएका छन् । दूतावासले नेपाल फर्कनै पर्ने नेपालीहरुको विवरण (११ जून २०२० सम्म प्राप्त) लाई आधार मानी ५११२ जनाको नाम सार्वजनिक गरेको थियो ।

उक्त सूचिमध्ये प्राथमिकतामा पर्ने नागरिकहरुलाई दूतावासले सूचनामार्फत वा प्रत्यक्ष रुपमा आफै सम्पर्क गर्ने गरेको छ । यस अघि आममाफी पाएका ४३ जना र २० वटा शव कतार सरकारले नेपाल पठाई सकेको छ ।

विज्ञापन बक्स