करेन्ट लागेर २ जनाको मृत्यु

0SHARES

२१ असार २०७७ नेपाल टाईम्स

२१ असार, बिराटनगर ।  झापा र मोरङमा शनिवार दिउँसो करेन्ट लागेर २ जनाको मृत्यु भएको छ भने १ जना घाईते भएका छन् ।

झापाको मेची नगर नगरपालिका-१४ का २७ बर्षीय चक्र बहादुर भुजेलको करेन्ट लागेर मृत्यु भएको छ । घरमा रहेका वायरिङका तारहरु संकलन गर्ने क्रममा अचानक करेन्ट लागेर घाईते भएका भुजेललाई उपचारको लागी झापाको बि.एण्ड.सी. अस्पताल पठाईएकोमा उपचारको क्रममा भुजेलको मृत्यु भएको तथा घटना सम्बन्धमा थप अनुसन्धान भईरहेको इलाका प्रहरी कार्यालय धुलावारीले जनाएको छ ।

यसैगरी मोरङको रतुवामाई नगरपालिका-९ का ३२ बर्षीय खेम बहादुर भुजेलको करेन्ट लागेर मृत्यु भएको छ । शनिवार अपरान्ह ५ बजेको समयमा घर अगाढी रहेको बिजुलीको पोलमा रहेको वाईफाईको तारलाई बासले मिलाउने क्रममा अचानक करेन्ट लागेर घाईते भएका भुजेललाई उपचारको लागी अरनिको अस्पताल उर्लावारी लैजाने क्रममा अस्पताल पुग्नासाथ निजको मृत्यु भएको ईलाका प्रहरी कार्यालय उर्लावारीले जनाएको छ । सोही घटनामा घाईते भएकी निजकै श्रीमती ३० बर्षीया कला भुजेलको नोबेल अस्पताल बिराटनगरमा उपचार भईरहेको छ ।

विज्ञापन बक्स